上一篇（【打工仔想講幾句】「厭世代」進駐職場（一））同大家討論過「厭世代」點解會出現，本篇會同大家討論點樣擺脫厭世。究竟思維同埋行動應該點調整先可以厭而不棄?
老實講小編相信一點：選擇權永遠在自己。夾硬灌輸觀念，指點其他人去路，只是一種枷鎖。不過如果你想改變，但苦惱唔知點樣改變，你可以繼續睇落去。
大家可以從個人層面出發，試下咁樣思維同埋行動，同小編一齊脫離「厭世代」！
| 積極生活思維
首先你要改變下諗法！聽到呢到，大家可能想鬧人：如果思維變到，我仲會厭世咩？
會啊。調整思維不是讓厭世的變得不厭世，而是：好啦，世界就是有啲shxt，生活有啲抖唔到氣啦，所以下一步，我們應該怎樣生活？
同樣厭世的人也可以有不同的活法：消極地活還是積極地活，冒險地活還是保守地活。這是都是存有選擇空間的。
更何況，如果你真的討厭世界，為甚麼世界標籤厭世為不好的事，你也跟著默認這是不好的狀態呢？
| 彈性應對危機
保持彈性就唔代表一味屈服，唔係叫你試都未試就宣佈投降。而係抱有期望時候，都有做好心理準備，畢竟天氣隨時不似預期。
調整好思緒，盡力而爲。就算收穫未必可以即時見到或者唔明顯，但正因爲結果唔符合主流期望，呢段經歷先獨特！小編編好中意呢類經歷，老咗一定可以不停同人分享。
| 行動才是參與
網絡世界資訊泛濫，正面去看，想學識任何技能或理論，上網一查就可以有基本了解。甚至有咩人生抉擇要做，上網都會揾到一大堆建議，好多都有文有路。但正正因為網上面有好多看似正確嘅選擇，令人陷入一個「只係諗點做」嘅情況，唔會有實際行動。
好多所謂「你應該做的事」、「正確的方法」，反而可能成為你的框架，限制你去嘗試。你好驚出錯，所以在做任何事之前，都會先質疑，直到確保自己準備就緒，才真正去落手做——但邊有咁多get ready？
所以，想避免繼續厭世，先不要限制自己、否定自己。你要不停告誡自己：只要先試、先行動，先知道你做緊嘅嘢係咪一個正確嘅方向。當你一味接收其他人啲資訊，人地話俾你聽，乜嘢叫啱、乜嘢叫錯。你只會繼續厭世，因為你會睇唔到你未來會有幾多可能性。
咁實際有咩行動可以做呢？先同大家分享小編一啲平時會做嘅事，比較日常。唔好睇少呢啲小改變，可以潛移默化，令個人冇咁厭世架！
愈厭世愈快樂
小編很喜歡看厭世語錄和漫畫，喜歡詼諧的糖衣包裝著微澀的內容，中和一下。至於純粹的抱怨文，小編一般直接跳過，不想一起掉進負能量漩渦。還有太過浮誇的故事也很少看，總感覺距離很遠。
小編認爲可以用詼諧的語氣講出辛苦的煩惱，一種闊達。
清醒地尋找著生存方法，也是一種不服輸的力量。
欣賞小幸福
小確幸呢個詞語已經係上一個年代 (為咗唔好太顯老，所以小編換咗詞語扮係新嘅tag word:) )
有人覺得這是自我欺騙，喪失偉大意志。對不公的環境無法進行強力還擊，手段太軟綿。小確幸的確可以延伸至諸多政治學概念，或者物質符號的討論。但小編不想寫論文:)
我更欣賞日常生活的時刻，獲得快樂的次數多了，那不就很好了嗎。
小編係長氣鬼，仲有好多長期嘅建議想同各位分享，第三篇繼續！！！！
