其實我真係唔洗你收工都要「扮工」咁辛苦!

其實我真係唔洗你收工都要「扮工」咁辛苦!

雖然我地經常講企業點點點,好似係香港做嘢就注定公時長,好痛苦,但其實香港地新一代老細都開明,唔會太多死板要求,更加唔會要求班細嘅瘋狂OT。大家唔好忘記,正常老細都係人,都想去做下運動,留返啲時間俾自己同屋企人,都唔會想返工返到冇晒私人時間。

好似上年,一個分享職場小故事嘅Facebook專頁-「奴工處」share有人「扮工」OT 搏同情,結果俾上司瘋狂嘲笑嘅事件。話說嗰間公司嘅舊上司,對於下屬OT好受落,咁某個同事以為照辦煮碗,新上司都會讚佢努力工作。點知唔單只唔受,仲串多句話佢Time management唔好。分享出街之後。即刻引嚟大批網民大讚,仲話如果佢係我老細就好啦。

大家一齊圍觀下個完整對話

員工心諗:
自拍下,放上公司group俾老細睇下我幾努力做野先!
(自己一個在公司扮工的相)
 
新上司覆:
如果公司安排過量工作、或者人手不足,請向我反映待我處理。
如果工作適量但你需要每日加班,請檢討自己的時間管理能力。

新上司補多刀:
仲有,無人想夜深仍收到有關工作的訊息,這是最後一次。

就咁,同事滿心歡喜的OT討好計劃就咁就不了了之,呢位新上司仲噴到佢一面屁。

做細嘅經常話:「扮忙、扮多嘢做」是打工仔的生存之道。又話俾老細睇:嗱,我放好多時間落公司,好為公司打拼㗎。但事實係老細只會認為:如果個工作量正常,辦公時間一定可以完成晒的話,「扮工」只係show到員工的辦事能力低,未能如期完成工作。

我地先撇開個啲唔俾人早走過自己,放工前先交低野做的老細唔講。正常請一個員工返嚟梗係想你善用返工時間,適當地安排工作量。如果你拖慢嚟做份野,好似上面個個「扮忙」的員工咁,用一個鐘去改幾隻錯別字,又用一個鐘去收速遞公司件(唔係作,係真架!),正常俾幾少野你做,你都OT啦。 其實…你認為嘅OT=上司大讚你老細認為嘅OT=個員工望落去好忙,但其實工作效率低 唔好再諗住OT會有老細讚啦,Justin Angsuwat(專業人士僱傭平台Thumbtack 的副總裁)都有話:「 打工仔咁樣做只會顯得自己在工作上花咗好多時間,但其實老細們唔會用嚟做衡量工作表現的指標。」
想留低好印象,不如喺正確的時候做正確的事。

話說原來上面個故事未完,過幾日新上司要嗰位同事完成多一份工作,預1個鐘完成。點知同事覆上司自己無時間做。問佢嘅工作量,竟然用咗一個鐘打一大段字,講過去幾日自己做咗啲咩。咁樣安排時間,又難免個位上司會覆:「過去一個鐘,你本來已經完成咗份野,但你選擇用來回憶過去幾日的工作,怪唔得你今天需要OT,真係好感謝你的付出。(笑)」你話係咪衰呢,印象又再差咗啦。

發表評論

%d 位部落客按了讚: