話說小編最近要換一部新電腦，因為之前嘅文書機完全support唔到小編剪片，加上小編唔鍾意迫住留喺office剪片。所以決定做足資料搜集，同老細propose買返一部勁啲嘅laptop。之後發現，網上資訊太多太亂了，對小編呢種0電腦知識嘅人，真係好需要一篇完整同時易明嘅資料整合。與其等人做，不如小編親身上陣，問過曬行家，寫低呢篇攻略，同大家分析坊間唔同嘅創作者筆電，究竟有咩優點同缺點。
目前高階嘅電腦主要可以分成兩種：電競機同創作者機。
以前要用到創作者機嘅人，多數係設計師，建築師，或者攝影師。不過宜家網絡世界越黎越多 Creator同Youtuber，大家時不時要剪片、執相，都需要一部高規格嘅電腦。所以呢一兩年都開始流行創作者機。唔少牌子都有出到專target創作者嘅Laptop，規格都有好多選擇。小編需求係：剪片時畫面唔會lag，rend 片要快。今次揾嘅機款都係比較貼近剪片方面嘅需求。大家留意下啦。如果你有呢個需求，又有興趣就繼續睇落去啦！
喺真正比較唔同Laptop之前，小編先同大家上一堂Laptop雞精班，等大家對啲外星文有返少少認知就可以繼續做比較啦！（準備好未？
| 基本配置介紹
以下四項配置係大家會經常聽到，但成日唔知係咩嚟，等小編用人體學做個比喻解釋俾你哋聽！
處理器 (CPU) ： 腦轉數轉幾快
顯示卡 (GPU)： 有冇近視，睇嘢清唔清楚
記憶體 (Ram)： 腦容量記得幾多嘢
儲存空間 (Storage)： 個胃可以裝到幾多嘢
所以你會發現如果你要剪片，你最重要一定係個CPU，因為你要用嘅軟件需要一個轉得好快嘅腦都run。咁如果你係用嚟打機，顯卡GPU就變得最重要。因為你睇得唔清，點上埸殺敵？
1. 處理器 (CPU)
大多數嘅處理器都係用Intel 呢個brand，另外亦都有AMD呢個牌子，但因為以下嘅laptop都係用Intel，咁小編就唔多講啦。Intel嘅處理器已經嚟到第十代，有分i3, i5, i7. i9. 最勁就當然係第十代i9，但剪片其實i7都夠用（當然，有錢就升去i9啦，快好多㗎！
2. 顯示卡 (GPU)
顯卡都係有兩個大牌子，NVIDIA 同AMD，以下就只有APPLE 機用AMD。NVIDIA：小編就勸大家要揀GeForce RTX 1650以上嘅model，如果唔係你剪片應該就會lag機lag到傻。AMD ：Radeon Pro 5500M以上會更好，5300M或以下又係玩死自己。
3. 記憶體 (Ram)
記憶體 (Ram)就最少16GB（剛好夠），32GB會更好。
4. 儲存空間 (Storage)
儲存空間 (Storage)唔好用HDD！用最少 512 GB SSD，1TB或以上亦係更好。不過多數用家都會再配置外置儲存硬碟 Portable SSD hard disk，方便移動，所以内存空間得1TB都已經足夠。
5. 顯示屏
依家嘅電腦大部分都係4K (3,840 x 2,160 pixels)，所以其實要睇嘅係佢嘅色域寬唔寬，如果有「PANTONE 色彩認證」，「提供99-100％Adobe RGB色域」呢兩項指標，就揀得過啦！
當你有以上嘅初步了解之後，就可以去睇下唔同牌子嘅創作者Laptop啦！
| Creator Laptop 大比拼
跟住進入大比拼環節！6位侯選電腦，來自5個牌子。候選嘅電腦螢幕尺寸都係15.6 – 16吋(方便帶返屋企)，$19,000-$30000不等。小編將佢地分為高價、中價同埋低價3個類別，大家可以根據自己預算，揀返適合嘅laptop。
組別：＄20,000 頭
兩款都使用i7處理器，15.6 吋 4K顯示器，重量維持係2kg左右。不過Gigabyte 處理器就去到i7 第十代，顯示卡款式都比ASUS 新。呢兩項都係剪片最重視嘅硬件，所以個$1,000俾得過！
Gigabyte 勝！
組別：＄20,000 中
中價位嘅選手有MSI同Acer。兩個價錢相約，記憶體同顯示屏嘅規格都好相似。
但MSI在CPU，GPU，儲存空間，重量都比Acer表現更好。仲要平$280 🙂
MSI 勝！
組別：＄20,000 尾－＄30000頭
最後嘅兩位選手係Apple同ASUS。對比後發現，兩個相差最大係顯卡，顯示屏同重量。
顯卡方面顯然ASUS用嘅model更高階，但Apple用嘅型號其實都足夠作剪片用途。不過如果要用作3D繪圖，可能買Desktop/其他牌子會更好。
至於顯示屏方面，Apple個熒幕大0.4吋，不過ASUS採用了雙4K顯示屏，畫質同功能都勝於apple。
但以相約嘅規格睇，Apple的確更輕。加上Apple產品都會用Airdrop真係一個好東西。而且二手賣返出去都被其他牌子更值錢。
打和！Super！
