跟住Twitter永遠Home office

跟住Twitter永遠Home office

疫情帶起 Work from home (在家工作),我估一班打工仔應該相當開心,因爲既節省坐車時間,又唔洗比人長期監視住,網上甚至有人話要減人工換Home office!但經過「行山銀行」事件,老細們已經覺得同事 Work from home 姐係扮工,無任何工作成果。所以5月起,本地疫情緩和,公司都開始陸續叫同事返office開工。

雖然大部分老細寧願同事在公司扮工,都唔希望班人在家辦工,但今次武漢肺炎的確證明 Work from home 都可以維持公司運作,有成為職場大趨勢的潛力。Twitter作為全球最大的社交平台之一,無論在業務,抑或人事管理方面,一直充當領頭羊的角色。上月中,官方就公佈,除了必須在辦公室工作的部門外,所有同事都可以Work from home,直到永遠,以後都不需要返辦公室。Twitter更稱整體工作效率比以前高。

「我們不打算成為第一批要求員工回辦公室上班的公司之一」(Twitter 官方聲明)

Home office 真係好處多多。智庫調查發現,Home Office和彈性工時有助減少公司兩成的員工流失率。同時,公司仲可以節省部分日常支出,招攬人才亦不再受地理限制。對企業文化都會有相當大的益處,例如以下三大重點。

| 1. 簡單匯報代替不必要會議

公司的大大小小會議,永遠「可加不可減」。當被迫要Work from home,唔洗再瘋狂開會先知道,原來以前1小時的會議可以縮短至15分鐘,內容變得相當精簡,只需要向上司匯報進度/結果就可以。減少會議,騰空更多時間,員工可以利用這段時間提高生產力。

| 2. 員工對工作負責任

Home office開始之後,同事自行訂立每日要完成嘅事項,再向上司預先告知自己的工作量和完成時間。只要你完成到所有目標,相信老細就會逐步提高工作的自由度,減少督促同事工作的次數。更重要嘅係,同事學會獨立,老細亦會放心賦予員工更多權力。

| 3. 減少阿諛奉承

每個公司都一定會有「擦鞋仔」,即使工作表現非常一般,但靠討好老細,最後都可以升職上位。Home office就令「擦鞋仔」瞬間失去日常表現嘅舞台,工作能力高的人更容易靠工作效率突出自己,老細可以將焦點放於員工的工作表現,知到哪些員工做實事,哪些人只靠關係上位。整個公司的氛圍就會一齊跟埋改變。

本地普遍工作文化都不太理想:無數個要開嘅會,無任何意見表達嘅機會,加上「擦鞋仔」嘅加乘,同事自然對工作冇動力。難得有機會令各間公司迫住Home office,不如藉此改善辦公室文化,讓同事更專注於工作,唔再因為無謂嘅人同會議,浪費自己的時間。

發表評論

%d 位部落客按了讚: